Habari za leo Mdau,Nimeona nikupe update ili watu wa ulimwengu wa tatu tujue jinsi ya kukabiliana na changamoto.
Pichani ni dalala maarufu hapa Manila City Philippines.
Hii ni nchi inayo endelea kama Tanzania na yenye hali ngumu ya kiuchumi
na idadi ya watu milioni 100.
Baada ya hali ya maisha kuwa ngumu hususani tatizo la usafiri
waliamua kujitengenezea magari ya abiria (daladala) kwa kutumia mabati
ya kuunga unga na chasisi. Kwa kuwa hawana technolojia ya kutengeneza
injini, wananunua injini chakavu toka japan na kuunga hadi kupata
daladala. Serikali iliamua kuwaruhusu kama njia kuunga mkono jitihada za
wananchi. Baada ya kuhojiana na mmoja wa dreva wa magari hayo, alisema
hawana njia nyingine tofauti na kubuni njia ya kujinasua kwenye tatizo
la usafiri kwa kuchonga magari hayo. Baada ya kufanya utafiti nimekuta
nje gari inanembo ya benzi injini Mitsubishi, nyingine nje inanembo ya
Mitsubishi ndani injini ya Hilux. Pia magari hayo hayana milango wala
hawajali uzuri(shape ya gari) wanajali huduma . Pia ni jambo la kawaida
dreva kuendesha akiwa kifua wazi
Umaskini ni kitu kibaya, umbali uliopo kati ya
Manila na Japan ni masaa matatu angani lakini wanashindwa kununua gari
original toka Japan.
By Ahmed Issack
From Manila - Philippines
