DOZI YA LEO JUMATANO DEC 17,HIVI WEWE VIPI?!
Labda niongee na wanaume leo,
najua labda uko karibu sana na mama yako mzazi, najua unampenda sana,
najua labda wewe ndio wa kiume peke yako kwenu, najua jinsi mama yako
alivyoteseka sana kwa ajili ya maendeleo yako hadi hapo ulipo leo na
hauna budi kumheshimu na kumpenda, najua vyote hivyo na nina viheshimu
sana, hata mimi pia nina mpenda mama yangu na kumheshimu, kama wengine
wengi pia walivyo, ila nafasi ya mama
inabaki kuwa ya mama na nafasi ya mke wangu inabaki kuwa ya mke wangu.
Iweje leo mama yako ndio mwamuzi mkuu wa masuala ya maisha yako na
familia yako?? mjenge wapi? nyumba ya aina gani? mzae watoto wangapi?
mkaishi wapi na muishi vipi? muda wa kumtembelea anaamua yeye, muda
wakuwaona wajukuu anaamua yeye, maisha ya mke wako mama yako pia ndio
atoe maamuzi, kila unachopanga na mkeo lazima kwanza umshirikishe mama
yako akipitishe au kukipinga,labda hata yeye ndio bado anakulazimisha
uendelee kuishi kwa wazazi hadi leo, mama yako ndio kashika "remote
control" ya familia yako na maisha yenu kwa jumla.
Wewe vipi??? Hivi
unafahamu maana halisi ya uamuzi wa kuoa?? Kama ulikua bado hujapevuka
vyakutosha siungeendelea kuishi na mama yako?? Hivi unadhani mkeo
anafurahi hata kama hakwambii? Hata wewe ungekuwa mwanamke leo,
ukaolewa, ukweli ni kwamba usingeweza kuvumilia hiyo hali, sasa jiulize
yeye anapata wapi kifua cha kukuvumilia wewe na huyo mama yako hadi leo.
Tafakari, chukua hatua, amua kubadilika - Dr. Chris Mauki
BUKOBAWADAU
Bukoba Wadau ni mtandao unao toa habari na matukio yanayo tokea katika mji wa bukoba pamoja na mkoa wa kagera kwa ujumla.
Email:bukobawadau@gmail.com | Phone :Mc baraka:0784 505045, 0754 505043
Instagram @bukobawadau | Facebook @bukobawadau
